বড়া পাও (Vada Pav) বিক্ৰী কৰিও কৰ্পোৰেট কৰ্মচাৰীৰ লগত প্ৰতিযোগিতা কৰা সম্ভৱ। মুম্বাইৰ জনপ্ৰিয় খাদ্য বড়া পাও অস্থায়ী পথৰ কাষৰ ষ্টলত বিক্ৰী কৰি বছৰি ২৪ লাখ টকা উপাৰ্জন কৰিব পাৰি! শেহতীয়াকৈ ছ’চিয়েল মিডিয়াত এটা ভিডিঅ’ ভাইৰেল হৈছে য’ত দেখা গৈছে যে মাহে ২ লাখ টকা উপাৰ্জন কৰিবলৈ সুন্দৰ অফিচৰ প্ৰয়োজন নাই।
ইনষ্টাগ্ৰামৰ জনপ্ৰিয় তাৰকা সাৰ্থক সাচদেৱে ছ’চিয়েল মিডিয়া পেজত এটা ভিডিঅ’ পোষ্ট কৰি দাবী কৰে যে তেওঁ এদিন স্থানীয় বড়া পাওৰ দোকানত কাম কৰাৰ অভিজ্ঞতা লাভ কৰিছিল। সেই অভিজ্ঞতাই তেওঁৰ চকু খুলি দিলে। ভাইৰেল ভিডিঅ’টোত সচদেৱে দোকানলৈ গৈ বড়া পাও বনাই গ্ৰাহকৰ হাতত তুলি দিবলৈ শিকি থকা দেখা গৈছে।
তেওঁ ভিডিঅ’টোত কয় যে তেওঁলোকে পুৱাৰ পৰা দুপৰীয়ালৈকে ২০০ বড়া বিক্ৰী কৰে। এটা পাওৰ দাম আছিল ১৫ টকা। তেওঁ দাবী কৰে যে সেইদিনা তেওঁলোকে ৬২২ পাও বিক্ৰী কৰি মুঠ ৯৩০০ টকা উপাৰ্জন কৰিছিল।
ছ’চিয়েল মিডিয়াৰ প্ৰভাৱশালী ব্যক্তিগৰাকীয়ে দাবী কৰিছে যে যদি গোটেই মাহটোত একে পৰিমাণৰ বড়া পাও বিক্ৰী কৰা হয় তেন্তে আয় হ’ব ২.৮ লাখ। সাৰ্থকৰ দাবী যে সকলো খৰচ বাদ দিলে আয় ২ লাখ টকা হ’ব আৰু বছৰি ২৪ লাখ টকা উপাৰ্জন কৰিব পৰা যাব।
এই ভিডিঅ’টোৱে ছ’চিয়েল মিডিয়াত ধুমুহাৰ সৃষ্টি কৰিছে। এই ভিডিঅ’টো ১০ লাখ ভিউ হৈছে। অৱশ্যে বড়া পাও বিক্ৰী কৰি ধনী হোৱাৰ এই পৰামৰ্শক লৈ বহু ছ’চিয়েল মিডিয়া ব্যৱহাৰকাৰীয়ে সন্দেহ প্ৰকাশ কৰিছে।
