ছেপ্টেম্বৰৰ শেষৰ কেইদিনমানত ঊৰ্ধ্বমুখী হৈছে ষ্টক মাৰ্কেট (Upcoming Stock Market)। যাৰ ফলত পূজাৰ পূৰ্বে বিনিয়োগকাৰীৰ মাজত উৎসাহৰ পৰিৱেশে বিৰাজ কৰিছে। ইফালে সপ্তাহৰ দ্বিতীয়টো দিনত ছেন্সেক্সে অভিলেখ সৃষ্টি (Creating a record in The Sensex) কৰে। লগতে অগ্ৰগতি নিফ্টিৰো (Progress Nifty)।
মঙলবাৰে পুৱা প্ৰথমবাৰৰ বাবে ৮৫ হাজাৰ পইণ্ট অতিক্ৰম কৰি ছেন্সেক্সে সকলো অভিলেখ ভংগ কৰে। মঙলবাৰে পুৱা ছেন্সেক্সৰ সূচকাংক ৮৫,০২৩ হয়। ইয়াৰ পূৰ্বে সোমবাৰে ছেন্সেক্সে ৮৪ হাজাৰ ৮৬৪ পইণ্ট লাভ কৰে। সেই অভিলেখ মঙলবাৰে ভংগ হয়। উল্লেখ্য যে পূজাৰ পূৰ্বে বিগত কেইদিনমানৰ পৰা ছেন্সেক্সৰ উত্থান লক্ষণীয় হৈছে।
১২ ছেপ্টেম্বৰত ছেন্সেক্সৰ স্থান আছিল ৮৩ হাজাৰ পইণ্ট। সোমবাৰে ই ৮৪ হাজাৰ অতিক্ৰম কৰে আৰু ঠিক পিছদিনাই ছেন্সেক্সে ৮৫ হাজাৰৰ অভিলেখ ভংগ কৰে। পুৱা ৯.৪৮ বজালৈকে ছেন্সেক্স ০.০৯ শতাংশ বৃদ্ধি পায়। ইয়াৰ পিছত ৮০ হাজাৰৰ পৰা ৮৫ হাজাৰ পইণ্ট লাভ (Gain of 85,000 points) কৰি মাত্ৰ ১২ সপ্তাহত সকলো অভিলেখ ভংগ কৰে।
আনহাতে, অভিলেখ সৃষ্টি কৰি নিফ্টিয়েও ২৬ হাজাৰৰ ওচৰ পায়গৈ। ইয়াৰ ঠিক আগতেই নিফ্টিয়ে সপ্তাহটোৰ একেবাৰে আৰম্ভণিতে ২৫ হাজাৰ ৯৩৪ পইণ্ট লাভ কৰিছিল। মঙলবাৰে এই পইণ্ট ২৫,৯৭১ত উপনীত হয়। নিফ্টিৰ শ্বেয়াৰ বজাৰৰ বাবে টাটা ষ্টীল, হিণ্ডালকো ইণ্ডাষ্ট্ৰীজ, জে এছ ডব্লিউ ষ্টীল, পাৱাৰ গ্ৰীড কৰ্প’ৰেচন আৰু আদানি এণ্টাৰপ্ৰাইজে বৃহৎ লাভৰ মুখ দেখিবলৈ পাব।
