মোবাইল নিৰ্মাণৰ (Mobile Manufacturing) ক্ষেত্ৰত ভাৰতে (India) নিজাকৈ ব্যৱসায় ( business) গঢ়ি তুলিছে। এই বজাৰখন এতিয়া ৪.১ লাখ কোটি টকালৈ বৃদ্ধি পাইছে। ভাৰতৰ দৰে এখন দেশৰ বাবে এয়া অতি ভাল খবৰ। বিগত ১০ বছৰত কেন্দ্ৰীয় চৰকাৰে ঘৰুৱা পদ্ধতিৰে মোবাইল নিৰ্মাণৰ বাবে গ্ৰহণ কৰা উল্লেখযোগ্য পদক্ষেপৰ ফল এয়া।
বৰ্তমান দেশৰ ইলেক্ট্ৰ’নিক সামগ্ৰীৰ বজাৰৰ ৪৩ শতাংশ মোবাইলে দখল কৰিছে। বৰ্তমান ভাৰতে মোবাইল নিৰ্মাণৰ ক্ষেত্ৰত বিশ্বৰ ভিতৰতে দ্বিতীয় স্থানত আছে। দেশত বিভিন্ন ধৰণৰ মোবাইল কোম্পানীয়ে নিজৰ ব্যৱসায় চলাই আছে। ২০১৪ চনৰ পূৰ্বে ভাৰতৰ ৭৮ শতাংশ মোবাইল বহিঃৰাষ্ট্ৰৰ পৰা আমদানি কৰা হৈছিল।
ভাৰতৰ মোবাইল বজাৰখন মূলত বহিঃৰাষ্ট্ৰৰ পৰা আমদানি কৰা মোবাইলৰ ওপৰত নিৰ্ভৰ কৰিবলগীয়া হৈছিল। কিন্তু লাহে লাহে ভাৰতে মোবাইল নিৰ্মাণ কৰিবলৈ আৰম্ভ কৰে। বৰ্তমান বেছিভাগ মোবাইল ভাৰতত নিৰ্মাণ আৰু বিক্ৰী হয়। ভাৰত মোবাইলতো স্বাৱলম্বী হৈছে। অৰ্থাৎ ভাৰতত বিক্ৰী হোৱা ৯৯.২ শতাংশ মোবাইল ভাৰততে নিৰ্মাণ কৰা হয়।
ভাৰতত মোবাইলৰ এখন বিশাল বজাৰ আছে। এতিয়া সকলোৰে হাতে হাতে ফোন। ফোন অবিহনে কাকো পোৱা নাযায়। সেয়ে বহু কোম্পানী এই বিশাল বজাৰখন দখল কৰিবলৈ আগ্ৰহী। ভাৰতত কেইবাটাও মোবাইল কোম্পানীয়ে স্মাৰ্ট ফোন নিৰ্মাণ আৰু বিক্ৰী কৰে। ভাৰতত সোইবোৰৰ কাৰখানাও আছে। তাতেই ফোন তৈয়াৰ কৰা হয় আৰু ভাৰতৰ বজাৰতে বিক্ৰীও হয়।
