সন্মুখত উৎসৱৰ বতৰ। কিন্তু ইয়াৰ পিছতো গাড়ীৰ বজাৰ মন্দা (Car market slowdown)। বছৰটোৰ ভিতৰত ব্যৱসায় যিমানেই বেয়া নহওক কিয়, উৎসৱৰ বতৰত এই উদ্যোগত বিক্ৰী সদায় বৃদ্ধি হোৱা দেখা গৈছে। কিন্তু দেশৰ শীৰ্ষ গাড়ী বিক্ৰেতা সংস্থা ফেডাৰেচন অব অটোম’বাইল ডিলাৰ্ছ এছ’চিয়েচ (Federation of Automobile Dealers Associations)নে কয় যে যাত্ৰীবাহী গাড়ী বিক্ৰেতাত মজুত থকা বাহনৰ সংখ্যাই যোৱাবছৰৰ পৰিসংখ্যা অতিক্ৰম কৰিছে।
FADA-য়ে জনোৱা মতে, বিগত ৭০-৭৫ দিন ধৰি শ্ব’ৰুমত (showroom) মুঠ ৭.৮ লাখ বাহন পৰি আছে (total of 7.8 lakh vehicles are lying), যাৰ বজাৰ মূল্য প্ৰায় ৭৪ হাজাৰ কোটি টকা। গাড়ী কোম্পানীসমূহে অহৰহ উৎপাদন আৰু যোগান বৃদ্ধি কৰি আছে। ফলত দোকানৰ (শ্ব’ৰুম) গুদামত বিক্ৰী নোহোৱা গাড়ী জমা হৈছে। তাৰ বাবেই ডীলাৰসকলৰ মাজত কিছু আৰ্থিক চিন্তাৰ সৃষ্টি হৈছে। কাৰণ মজুত কৰা বাহনৰ বয়স ৩০ দিনতকৈ অধিক হোৱাটো ডীলাৰসকলৰ বাবে চিন্তাৰ বিষয়। সেই সময়সীমা ৬০ দিনৰ পৰা ৭০-৭৫ দিনলৈ বৃদ্ধি পাইছে। কাৰণ ডীলাৰসকলে বেংকৰ পৰা লোৱা ঋণ সুতেৰে ৬০ দিনৰ ভিতৰত পৰিশোধ কৰে। যোৱা বছৰৰ এটা সময়ত ৬৫ দিন পৰ্যন্ত মজুত আছিল।
কিন্তু গাড়ী ক্ৰেতাৰ হঠাৎ অনীহা কিয়? FADA-ৰ সভাপতি মনীষ ৰাজ সিংহানিয়াই সংবাদ মাধ্যমৰ আগত কয় যে গাড়ী কোম্পানীসমূহে উৎপাদন আৰু যোগান অহৰহ বৃদ্ধি কৰি আছে। কিন্তু মে’ মাহত বজাৰৰ পৰা যাত্ৰীবাহী গাড়ীৰ বিক্ৰী হঠাতে কমি গৈছে। ফলত ষ্টকৰ পৰিমাণ বৃদ্ধি পাইছে। জুলাই আৰু আগষ্ট মাহতো গাড়ী নিৰ্মাতাসকলে মাহেকীয়া চাহিদাৰ ভিত্তিত গাড়ী ডীলাৰলৈ প্ৰেৰণ কৰাৰ লগে লগে সংখ্যা বৃদ্ধি পায়।
FADA-য়ে লগতে কয় যে উৎসৱৰ বতৰৰ পূৰ্বে ষ্টক জমা হোৱাৰ বাবে ডীলাৰসকল বিশেষভাৱে চিন্তিত নহয়। কিন্তু বিভিন্ন ৰাজ্যত অত্যধিক বৰষুণৰ ফলত গাড়ী ক্ৰয়ৰ চাহিদা হ্ৰাস পাইছে। শেহতীয়াকৈ FADA-ৰ সভাপতি মনীষ সিংহানিয়াই কৈছিল যে ২০১৮-১৯ বিত্তীয় বৰ্ষ তেওঁলোকৰ বাবে দুঃস্বপ্নৰ দৰে আছিল। গাড়ী বজাৰৰ উত্থানৰ মাজতে দেশৰ ২৮০খন বজাৰ বন্ধ হৈ পৰে। তেতিয়াৰে পৰাই তেওঁলোকে ষ্টকৰ প্ৰতি সাৱধান হৈ আহিছে। বাহনৰ অ’ ই এম আৰু অটো নিৰ্মাতাসকলে ডীলাৰসকলৰ ওপৰত নিজৰ বজাৰখন বজাই ৰাখিবলৈ হেঁচা প্ৰয়োগ কৰা বুলিও অভিযোগ উত্থাপন কৰিছে FADA-ই।
উল্লেখ্য যে শীৰ্ষ গাড়ী নিৰ্মাতা টাটা মটৰ্ছ, মাৰুতি, টয়োটা, মহিন্দ্ৰা আদিৰ যাত্ৰীবাহী বাহনৰ বিক্ৰী বছৰৰ পিছত বছৰ ধৰি ১.৬ শতাংশ হ্ৰাস পাই ৩০৪,৩৮১ খন হৈছে। ভাৰতৰ সৰ্ববৃহৎ যাত্ৰীবাহী গাড়ী নিৰ্মাতা কোম্পানী মাৰুতি ছুজুকিৰ পাইকাৰী বিক্ৰী ৯.৬৭ শতাংশ হ্ৰাস পাইছে। অৱশ্যে ইয়াৰ সৰু গাড়ীৰ বিক্ৰী সুস্থিৰ হৈ আছে। মধ্যম আকাৰৰ চেডানৰ বিক্ৰী যথেষ্ট হ্ৰাস পাইছে। ইফালে ডীলাৰসকলে যাতে আৰ্থিক লোকচানৰ সন্মুখীন নহয় তাৰ বাবে অতিৰিক্ত ষ্টকিং বন্ধ কৰাৰ ক্ষিপ্ৰ সিদ্ধান্ত ল’বলৈ নিৰ্দেশ দিছে FADA-ই। বৰ্তমান বজাৰত স্প’ৰ্টছ ইউটিলিটি বাহনৰ (এছ ইউ ভি) চাহিদা বেছি। বিশেষকৈ মধ্যমীয়া আকাৰৰ এছ ইউ ভিৰ কম সময়ৰ ভিতৰতে ভাৰতত চাহিদা বহু পৰিমাণে বাঢ়িছে।
