উত্তৰ-পূৰ্বাঞ্চলৰ কৃষকসকলৰ সুবিধাৰ বাবে শুকুৰবাৰে কেন্দ্ৰীয় উত্তৰ-পূৰ্বাঞ্চল উন্নয়ন মন্ত্ৰী জ্যোতিৰাদিত্য সিন্ধিয়াই (Jyotiraditya Scindia) মুকলি কৰে এক নতুন ডিজিটেল প্লেটফৰ্ম।
‘নৰ্থইষ্ট ৰিজিঅ’ন এগ্ৰি কমোডিটী ই-কানেক্ট’ চমুকৈ NE-RACE নামৰ এই ডিজিটেল প্ৰেটফৰ্মৰ উদ্দেশ্য হৈছে উত্তৰ-পূৰ্বাঞ্চলৰ কৃষি-সামগ্ৰীক আন্তঃৰাষ্ট্ৰীয় বজাৰত উচ্চ মূল্যৰ উদ্যানশস্য সামগ্ৰীৰ কেন্দ্ৰ হিচাপে স্থান দিয়াত সহায় কৰা।
এই এপটোৰ জৰিয়তে বিভিন্ন কৃষিজাত আৰু উদ্যানশস্য সামগ্ৰীৰ লগতে বনজাত সামগ্ৰীক বিশ্বমুখী কৰাত সমৰ্থন জনোৱা। লগতে আন্তৰ্জাতিক পৰ্যায়ত উত্তৰ-পূৰ্বাঞ্চলক এক নিৰ্ভৰযোগ্য অংশীদাৰ হিচাপে প্ৰচাৰ কৰাৰো এই এপটোৰ আন এক উদ্দেশ্য।
উল্লেখ্য, এই কৃষি ডিজিটেল প্লেটফৰ্মটো শুকুৰবাৰে শ্বিলঙত অনুষ্ঠিত এক বিশেষ অনুষ্ঠানত মুকলি কৰে কেন্দ্ৰীয় ড’নাৰ মন্ত্ৰী জ্যোতিৰাদিত্য সিন্ধিয়য়াই।
