ASSAM TIMES POST
ডিফুঃ কাৰবি লোক কৃষ্টি সংস্কৃতি গৱেষণাৰ প্ৰাণকেন্দ্ৰ স্বৰূপ কাৰবি পিপুলছ হলছৰ তাৰালাংচৰ বাকৰিত প্ৰথমবাৰৰ বাবে সেনাৰ ৰেড হৰ্ণ ডিভিজনে আয়োজন কৰিছে কাৰবি পৰাম্পৰাগত ক্ৰীড়া প্ৰতিযোগিতা ৷
৬ আৰু ৭ জানুৱাৰী দুদিনীয়া বৰ্ণাঢ্য কাৰ্যসূচীৰে আৰম্ভ কৰা পৰাম্পৰাগত ক্ৰীড়া প্ৰতিযোগিতা খনত এযোৰ শান্তিৰ কপৌ চৰাই উৰাই উন্মোচন কৰে কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ আৰু সাংসদ হৰেণ ছিং বে’ই ৷
ক্ৰীড়া প্ৰতিখনিত মুখ্য কাৰ্যবাহী সদস্য তুলিৰাম ৰংহাঙ আৰু সাংসদ হৰেণছিং বে’ক সেনাৰ তৰফৰ পৰা পহ’ আৰু স্মাৰকেৰে উষ্ম সম্ভাষণ জ্ঞাপন কৰা হয় ৷ প্ৰতিযোগিতা খনিৰ আৰম্ভনিৰ পূৰ্বে কাৰবি কালচাকেল ট্ৰুপৰ তৰফৰ স্বাগত সংগীত পৰিবেশন কৰাৰ লগতে পৰাম্পৰাগত মাৰাঠা ক্ৰীড়া শৈলী প্ৰদৰ্শনে দৰ্শকক আপ্লুত কৰে ৷ কাৰবি পৰাম্পৰাগত ক্ৰীড়া প্ৰতিযোগিতা খনৰ শুভ উন্মোচন কৰি দিয়া ভাষণ প্ৰসংগত সাংসদ হৰেণছিং বে’ ই কয় যে, তুলিৰাম ৰংহাঙৰ নেতৃত্বত কাৰবি আংলঙত যি শান্তি প্ৰতিষ্ঠা হৈছে সেই শান্তিৰে জিলাখনত. গঢ়ি উঠা প্ৰেম ভাতৃত্ব আৰু সমন্বয় অক্ষুণ্ণ ৰখাৰ বাবে কামনা কৰে ৷
ইয়াৰোপৰি এগৰাকী সাংসদ হিছাপে পাহাৰীয়া জিলা তিনিখনত উন্নয়ণ আৰু প্ৰগতিৰ বাবে সদা প্ৰস্তুত বুলি মন্তব্য কৰে ৷ আনহাতে কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য. তুলিৰাম ৰংহাঙে জিলাখনত প্ৰথমবাৰৰ বাবে সেনাৰ উদ্যোগত কাৰবি পৰাম্পৰাগত ক্ৰীড়া প্ৰতিযোগিতা অনুষ্ঠিত কৰাৰ বাবে সেনাৰ উদ্যোগক উচ্চ প্ৰশংসা কৰে ৷
মুখ্য কাৰ্যবাহী সদস্য গৰাকীয়ে জিলাখনত খেলৰ জৰিয়তে ক্ৰীড়া সংস্কৃতি গঢ়ি তুলি জিলাখনৰ জনসাধাৰণৰ মাজত শান্তি আৰু ভাতৃত্ববোধ গঢ়ি তুলিবলৈ আহ্বান জনায় ৷ ইয়াৰ পিছত কাৰবি আংলঙৰ বিভিন্ন প্ৰান্তৰ পৰা অহা প্ৰতিযোগী সকলে হামবি কেপাথু, কেংদাং দাং কে কাপ, আৰু লেং পুম চক্ চন প্ৰতিযোগিতাত অংশ গ্ৰহণ কৰে ৷ সেনাৰ প্ৰচেষ্টাক সকলোৱে শলাগ লৈছে ৷
