ASSAM TIMES POST
নিউজ ডেক্সঃ নতুন বছৰত ভাৰতীয় ক্ৰিকেট দলৰ প্ৰথম বিদেশ অভিযান হ’ব নিউজীলেণ্ডত৷ নিউজীলেণ্ডত ভাৰতীয় ক্ৰিকেট দলৰ বাবে আহিব বিৰাট প্ৰত্যাহ্বান৷ ৰিছাৰ্ড হেডলিৰ দেশত আৰম্ভ হ’ব লগা এই প্ৰত্যাহ্বানৰ বিৰুদ্ধে ভাৰতীয় ক্ৰিকেট দলৰ বাবে আহিছে আন এক পৰীক্ষা৷
এই প্ৰত্যাহ্বান আহিব বতাহৰ বাবে৷ যিহেতু নিউজীলেণ্ডত বতাহ বেগ তীব্ৰ৷ প্ৰধানকৈ ৱালিংটন আৰু ক্ৰাইষ্টচাৰ্চত বতাহৰ বেগ বহু বেছি৷
তাক মোকাবিলা কৰাটো হ’ল ভাৰতীয় বেটছমেনৰ বাবে এক প্ৰত্যাহ্বান৷ উল্লেখ্য যে নিউজীলেণ্ডত অহা ফেব্ৰুৱাৰী মাহত ভাৰতীয় ক্ৰিকেট দলে দুখন টেষ্ট মেছ, পাঁচখন টি-টুৱেণ্টি আৰু তিনিখন এদিনীয়া খেল খেলিব৷ ইয়াৰে ২১-২৫ ফেব্ৰুৱাৰীত ৱালিংটনত আৰু ২৯ ফেব্ৰুৱাৰীৰ পৰা ৪ মাৰ্চলৈ ক্ৰাইষ্টচাৰ্চত টেষ্ট মেচ অনুষ্ঠিত হ’ব৷
নিউজীলেণ্ডত খেলা অভিজ্ঞতাৰ ওপৰত আজিংক ৰেহেনাই কয়, তাত বতাহ তীব্ৰ বেগত বলে৷ তাৰ বিৰুদ্ধে খেলাটো ডাঙৰ প্ৰত্যাহ্বান৷ বতাহৰ বাবেই বল দুয়ো দিশত যায়৷ তাৰ বাবে আমি সাজু হ’ব লাগিব৷ পৰিবেশৰ লগত খাপ খুৱাই ল’ব পৰটো আমাৰ বাবে প্ৰত্যাহ্বান৷
