ডিফুত ‘কা’ বাতিলৰ দাবীত ছাত্ৰ সমাজ আৰু সংগ্ৰামী ৰাইজৰ বাটৰ নাট প্ৰদৰ্শন

ASSAM TIMES POST
ডিফুঃ নাগৰিকত্ব সংশোধনী আইন ২০১৯ৰ বিৰুদ্ধে অব্যাহত আছে প্ৰতিবাদ জনজাগৰণ ৷ পাহাৰীয়া জিলা কাৰবি আংলঙৰ সদৰ চহৰ ডিফুত আজি ছাত্ৰ সমাজ আৰু সংগ্ৰামী ডিফুবাসী ৰাইজে বিতৰ্কিত আইন ‘কা’ বাতিলৰ দাবীত অৱস্থান ধৰ্ণা আৰু বাটৰ নাট প্ৰদৰ্শন কৰে ৷

পোন প্ৰথমে প্ৰতিবাদকাৰী সকলে ডিফু ছেমছনছিং ইংতি মেম’ৰিয়েল পাৰ্কত জেষ্ঠ নাগৰিকৰ সৈতে অৱস্থান ধৰ্ণা কাৰ্যসূচী ৰূপায়ণ কৰে ৷ ইয়াৰ পিছত জাতিধ্বংসী আৰু ক’লা আইন অভিহীত আইন খনৰ বিৰুদ্ধে প্ৰতিবাদকাৰী সকলক দেশ প্ৰেমেৰে উদ্বুদ্ধ কৰিবলৈ ডিফু চহৰৰ বাৰোৱাৰী দুৰ্গা মন্দিৰ আৰু হনুমান মন্দিৰৰ ওচৰত ‘ লবিতা আৰু লাচিত ‘ শীৰ্ষক বাটৰ নাট প্ৰদৰ্শন কৰি জনজাগৰণ সৃষ্টি কৰে৷ বাটৰ নাটৰ প্ৰতি সাধাৰণ জনতাৰো পূৰ্ণ সঁহাৰি পোৱা যায় ৷