কন্যাকুমাৰীৰ পৰা আৰম্ভ হৈ কাশ্মীৰত সমাপ্ত। শ্ৰীনগৰ (Sreenagar)ত ১৩৫ দিনীয়া ‘ভাৰত জোড়ো যাত্ৰাʼৰ সামৰণী অনুষ্ঠান (Bharat Jodo Yatra Closing ceremony)ৰ আশেপাশে কটকটীয়া নিৰাপত্তা। তুষাৰপাতৰ ফলত সোমবাৰে কংগ্ৰেছৰ পদযাত্ৰাৰ সামৰণী অনুষ্ঠানত ব্যাঘাত জন্মিব পাৰে। পুৱাৰে পৰা সমগ্ৰ শ্ৰীনগৰত বৰফ পৰিছে। ৰাহুল আৰু প্ৰিয়ংকা (Rahul and Priyanka)ক বৰফৰ লগত খেলি থকা দেখা গʼল।
কংগ্ৰেছ সাংসদ ৰাহুল গান্ধীয়ে যোৱা বছৰৰ ৭ ছেপ্টেম্বৰৰ পৰা কন্যাকুমাৰীৰ পৰা ‘ভাৰত জোড়ো যাত্ৰা’ আৰম্ভ কৰিছিল দেশক এডাল সূতাৰে বান্ধিবলৈ। ১৩৫ দিনীয়া এই যাত্ৰাই ১২খন ৰাজ্য আৰু ২খন কেন্দ্ৰীয় শাসিত অঞ্চল সামৰি লৈছিল। দিন পাৰ হৈ যোৱাৰ লগে লগে এই যাত্ৰাৰ প্ৰতি কংগ্ৰেছ নেতৃত্বই অধিক সঁহাৰি পায়। বহু গণ্য-মান্য ব্যক্তিয়ে ৰাহুলৰ সৈতে পদযাত্ৰা কৰিছে। সমাজৰ বিভিন্ন শ্ৰেণীৰ লোকে হাত মিলাইছে।
২০২৪ চনৰ লোকসভা নিৰ্বাচনৰ পূৰ্বে ৰাহুলৰ এই কাৰ্যসূচীয়ে ৰাজনৈতিক শিবিৰৰ দৃষ্টি আকৰ্ষণ কৰিছে। কাৰ্যসূচীৰ অন্তিম দিনটোত ২১ টা বিৰোধী দলেও কংগ্ৰেছৰ এই অনুষ্ঠানত যোগদান কৰিছে। কংগ্ৰেছে আমন্ত্ৰণ জনাইছে ২১টা দলক। ফলত ৰাহুলৰ ‘ভাৰত জোড়ো যাত্ৰাʼৰ সামৰণী অনুষ্ঠানত মঞ্চত দেখা যায় বিৰোধী ঐক্যৰ ছবি। কিন্তু সামৰণী অনুষ্ঠানত তৃণমূল, সমাজবাদী পাৰ্টি, টিডিপিৰ দৰে বিৰোধী দলে অংশগ্ৰহণ কৰা নাই।
সোমবাৰে শ্ৰীনগৰস্থিত কংগ্ৰেছৰ মুখ্য কাৰ্যালয়ত এক সামৰণী অনুষ্ঠানৰ আয়োজন কৰা হৈছে। ৰাহুলৰ নেতৃত্বত চলা এই পদযাত্ৰা শ্বেৰ-এ-কাশ্মীৰ ষ্টেডিয়ামত উপস্থিত হʼব। তাৰ আগতে পুৱাৰে পৰা শ্ৰীনগৰত বৰফ পৰিছিল। দৃশ্যমানতাও কমিছে। ইয়াৰ বাবে শ্ৰীনগৰৰ সকলো বিমান পলমকৈ চলি আছে।
ভিষ্টাৰ এয়াৰলাইন্সেও ২ খন বিমান বাতিল কৰে।দেওবাৰে লালচ’কত সমাপ্ত হয় ৰাহুলৰ যাত্ৰা। তাতে ছোনিয়া-পুত্ৰই ৰাষ্ট্ৰীয় পতাকা উত্তোলন কৰে। সোমবাৰে আনুষ্ঠানিকভাৱে সমাপ্ত হয় এই যাত্ৰা। ‘ভাৰত জোড়ো যাত্ৰাʼৰ সামৰণী অনুষ্ঠানৰ আশেপাশে উপত্যকাটোত কটকটীয়া কৰা হৈছে নিৰাপত্তা।
