মায়ানগৰীত নায়কসকলৰ মাজত বিৰোধৰ খবৰে অধিক প্ৰচাৰ লাভ কৰে। কিন্তু বন্ধুত্বও আছে। শ্বাহিদ কাপুৰ আৰু কাৰ্তিক আৰিয়ানৰ (Shahid Kapoor and Kartik Aaryan) দৰে। দুয়োজনেই এই মুহূৰ্তৰ আটাইতকৈ চৰ্চিত তাৰকা। এইবাৰ কাৰ্তিক শ্বাহিদৰ ঘৰত থাকিব। অলপ খুলি কোৱা যাওক।শেহতীয়াকৈ কাৰ্তিকে মুম্বাইৰ জুহুত এটা ফ্লেট ভাড়াত লৈছে।
সেই ঘৰৰ মালিক শ্বাহিদ। সূত্ৰৰ পৰা জানিব পৰা মতে, ‘ভুলভুলেইয়া ২’ৰ ফেম অভিনেতাগৰাকীয়ে তিনি বছৰৰ বাবে ভাড়াত লৈছে ঘৰটো। এই চুক্তিত কাৰ্তিকৰ মাতৃ মালা তিৱাৰী আৰু শ্বাহিদৰ পত্নী মীৰা ৰাজপুতৰ নাম উল্লেখ কৰা হৈছে।
কাৰ্তিকে শ্বাহিদক ঘৰৰ ভাড়াৰ বাবে কিমান টকা দিব লাগিব?
টকাৰ পৰিমাণ কম নহয়। কাৰ্তিকে প্ৰতিমাহে দিব লাগিব ৭ লাখ ৫০ হাজাৰ টকা! কেৱল সেয়াই নহয়, প্ৰতি বছৰে ৭ শতাংশ হাৰত ঘৰৰ ভাড়া বৃদ্ধি পাব বুলি চুক্তিখনত উল্লেখ আছে। অৰ্থাৎ দ্বিতীয় বছৰত ঘৰৰ ভাড়া ৮ লাখ ২০ হাজাৰ টকা আৰু তৃতীয় বছৰত সেই ভাড়া ৮ লাখ ৫৮ হাজাৰ টকা হʼব।
সম্প্ৰতি শ্বাহিদ আৰু মীৰাই নিজৰ নতুন বিলাসী ঘৰখনত থাকিবলৈ আৰম্ভ কৰিছে। ২০১৮ চনৰ পৰা কাৰ্তিকক ভাড়াত দিয়া ঘৰটোত বাস কৰিছিল পৰিয়ালসহ পৰ্দাৰ ‘কবীৰ সিং’। প্ৰায় ৪ হাজাৰ বৰ্গফুটৰ ফ্লেট। দুটা সুকীয়া পাৰ্কিঙৰ ব্যৱস্থা আছে।
মন কৰিবলগীয়া যে গোৱালিয়াৰৰ পৰা মুম্বাইলৈ অহাৰ পিছত কাৰ্তিকে আগতে মুম্বাইৰ ভাৰ্ছোভা অঞ্চলৰ এটা সৰু ফ্লেটত ভাড়াতীয়া হৈ আছিল। ২০১৯ চনত কাৰ্তিকে সেই ফ্লেটটো প্ৰায় দুই কোটি টকাত ক্ৰয় কৰিছিল। এইবাৰ শ্বাহিদৰ ঘৰত কেতিয়া ভৰি দিয়ে তাৰ অপেক্ষা। উল্লেখ্য, কাৰ্তিক অভিনীত ছবি ‘শ্বেহজাদা’ অহা মাহত মুক্তি পাব।