কাৰ্তিক আৰিয়ন আৰু সাৰা আলী খান, এই যুটিটোক অনুৰাগীসকলে মৰমেৰে ‘Sartik’ বুলি অভিহিত কৰে। প্ৰথমে এই নামটো ওলাইছিল যেতিয়া কৰণ জোহৰৰ জনপ্ৰিয় শ্ব’ “কফি উইথ কৰণ” ত সাৰাই কৈছিল যে তেওঁ কাৰ্তিক আৰিয়নক ডেট কৰিব বিচাৰে।
ইয়াৰ পিছত, ইমতিয়াজ আলী খানৰ দ্বাৰা পৰিচালিত “লাভ আজ কল ২” ছবিখনত দুয়োকে একেলগে দেখা গৈছিল। তেতিয়া খবৰ পোৱা গৈছিল যে উক্ত ছবিখনৰ দৃশ্যগ্ৰহণৰ সময়ত সাৰা আৰু কাৰ্তিকে ইজনে সিজনক ডেট কৰি আছিল। অৱশ্যে, কিছু সময়ৰ পিছত, দুয়োজনে তেওঁলোকৰ পথ পৃথক কৰিছে বুলিও জনা গৈছিল, যাৰ পিছত তেওঁলোকক কেতিয়াও একেলগে দেখা পোৱা নাছিল।
এতিয়া প্ৰায় দুবছৰৰ পিছত, শেহতীয়াকৈ কাৰ্তিক আৰিয়ন আৰু সাৰা আলী খানক একেলগে দেখা গৈছে। যাৰ ফটো আৰু ভিডিঅ’ ইতিমধ্যে ছচিয়েল মিডিয়াত ভাইৰেল হৈ আছে।
দৰাচলতে, বৃহস্পতিবাৰে (১৬ জুন) তাৰিখে নিশা মুম্বাইত আয়োজিত এক অনুষ্ঠানত দুয়োগৰাকী চেলিব্ৰেটীয়ে অংশগ্ৰহণ কৰিছিল। অনুষ্ঠানটোৰ ফটোবোৰত, আপুনি দেখিব পাৰিব যে কাৰ্তিক আৰিয়ন আৰু সাৰা আলী খানে ইজনে সিজনৰ সৈতে কথা পাতি আছে আৰু তেওঁলোক দুয়ো একেলগে আহি ফটো তুলিছে। কেৱল এয়াই নহয়, অনুষ্ঠানটোৰ সময়ত সাৰা আৰু কাৰ্তিকেও ইজনে সিজনক সাৱটি ধৰিছিল।