অভিনেতা সুনীল চেট্টীক অলপতে টুইটাৰত ট্ৰ’ল কৰাৰ লগতে “গুটখা ৰজা” বুলিও আখ্যা দিয়া হৈছিল৷ ইয়াৰ উপৰিও, অভিনেতা গৰাকীক এটা ধপাত ব্ৰেণ্ডৰ সমৰ্থন কৰাৰ বাবে সমালোচনা কৰা হৈছিল৷
দৰাচলতে, এজন টুইটাৰ ব্যৱহাৰকাৰীয়ে হৰ্ডিং এখনৰ ফটো শ্বেয়াৰ কৰিছিল য’ত অজয় দেৱগন, অক্ষয় কুমাৰ আৰু শ্বাহৰুখ খানক ইয়াত দেখা গৈছে৷ এই পোষ্টাৰটো শ্বেয়াৰ কৰাৰ সময়ত ব্যৱহাৰকাৰী জনে অজয় দেৱগনক শ্বেয়াৰ কৰিবলৈ যাওঁতে ভুলবশতঃ সুনীল চেট্টীক টেগ কৰে।
🙏
— Suniel Shetty (@SunielVShetty) May 9, 2022
সুনীল চেট্টীক টেগ কৰি ব্যৱহাৰকাৰীজনে লিখে যে, ‘ভাৰতৰ এজন গুটখা ৰজা, আপোনাৰ সন্তান লজ্জিত হ’ব কিয়নো আপুনি দেশখনক ভুল দিশত লৈ গৈছে। ভাৰতক কৰ্কট ৰোগৰ দেশ হিচাপে গঢ়ি তোলাৰ দিশত আগবাঢ়ি নাযাব।” অভিনেতা সুনীল চেট্টীৰ মনোযোগ ইয়ালৈ যোৱাৰ লগে লগে তেওঁ ইয়াৰ উচিত প্ৰত্যুত্তৰ দি লিখে যে, ‘ভাই, আপুনি আপোনাৰ চশমা ঠিক কৰক অথবা ইয়াক সলনি কৰক।’
আনহাতে, নিজৰ ভুল স্বীকাৰ কৰি ব্যৱহাৰকাৰীজনে সুনীল চেট্টীৰ ওচৰত ক্ষমা বিচাৰি কয় যে, ‘নমস্কাৰ সুনীল চেট্টী, মই দুঃখিত যে এইটো ভুলতে টেগ কৰা হৈছিল। মই আপোনাক আঘাত কৰিব বিচৰা নাছিলোঁ। এয়া অজয় দেৱগনৰ বাবেহে। মই আপোনাত এজন ডাঙৰ অনুৰাগী। ইয়াৰ বাবে, আপোনাৰ নাম হেচটেগত প্ৰথমে আহে।”
Hey #GutkaKingsofIndia @iamsrk @akshaykumar @SunielVShetty you're kids has to feel shame on you to lead nation in wrong way.
Don't lead India to cancer nation stupids. https://t.co/cYtM7mj6E7— Moni (@Moni_krishnaa) May 9, 2022
শেহতীয়াকৈ অক্ষয় কুমাৰকো ইয়াৰ বাবে ট্ৰ’ল কৰা হৈছিল৷ অক্ষয় কুমাৰে তেওঁৰ অনুৰাগীসকলৰ ওচৰত ক্ষমা বিচাৰিছিল আৰু নিজকে গুটখা ব্ৰেণ্ডটোৰ পৰা পৃথক কৰিছিল৷
