সমগ্ৰ ৰাজ্যৰ লগত সংগতি ৰাখি বুধবাৰৰ পৰা আৰম্ভ হোৱা তৃতীয় পৰ্যায়ৰ গুণোৎসৱ আজিৰে পৰা পাৰ্বত্য জিলা কাৰ্বি আংলঙতো অনুষ্ঠিত হৈছে।
আজি বিদ্যালয়সমূহত গুণোৎসৱৰ স্ব-মূল্যায়ণ কৰা হৈছে বুলি জানিব পৰা গৈছে ৷ জিলাখনৰ মুঠ ৭টা শিক্ষাখণ্ডৰ ১৩৩৪খন বিদ্যালয়ৰ ১৩২৩ বিদ্যালয়তহে অনুষ্ঠিত হৈছে গুণোৎসৱ।
শিক্ষকৰ নাটনি আৰু কিছু বিদ্যালয়ত নামভৰ্তি নোহোৱা বাবে ১১খনকৈ বিদ্যালয়ত অনুষ্ঠিত নহ’ল গুণোৎসৱ।
এইবাৰৰ গুণোৎসৱে সাঙুৰি লৈছে জিলাখনৰ ৭৬০৮২গৰাকী ছাত্ৰ-ছাত্ৰীক। জিলাখনত এজনীয়া শিক্ষকৰ বিদ্যালয় আছে যদিও এজনো শিক্ষক নথকা বিদ্যালয় নাই বুলি জনালে সৰ্বশিক্ষাৰ জিলা সমন্বয়কে।
