ষ্টাফ ৰিপ’ৰ্টাৰ:
২৭ মাৰ্চত অসমত প্ৰথম পৰ্যায়ৰ নিৰ্বাচন ৷ সষ্টম অসম আৰক্ষী ৷ ১৫সংখ্যক অসম বিধানসভাৰ নিৰ্বাচনক সুচাৰুৰূপে আৰু শান্তিপূৰ্ণভাৱে অনুষ্ঠিত কৰাৰ বাবে ইতিমধ্যে নিৰ্বাচন আয়োগৰ নিৰ্দেশনা অনুসৰি সাজু অসম আৰক্ষী ৷
এই হিচাপত সমগ্ৰ অসমত মোতায়েন কৰা হৈছে ২,৪১,২৬৯জন আৰক্ষী আৰু অৰ্ধসামৰিক বাহিনীৰ জোৱান৷প্ৰতিটো ভোটগ্ৰহণ কেন্দ্ৰত থাকিব একোজন সশস্ত্ৰ জোৱান৷ লগতে থাকিব আন চাৰিজনকৈ জোৱান৷
পুৱা ৭ বজাৰ পৰা সন্ধিয়া ৬ বজালৈ চলিব লগীয়া ভোটগ্ৰহণ প্ৰক্ৰিয়াত ভোটাৰ ৰাইজৰ বাবে সাজু কৰা হৈছে ৩৩,৫৩০টা ভোটগ্ৰহণ কেন্দ্ৰ৷ অসম আৰক্ষীয়ে নিৰ্বাচনকেন্দ্ৰিক সুৰক্ষাৰ ক্ষেত্ৰত বিশেষ সৰ্তকতা অৱলম্বন কৰিছে এইবাৰ ৷
ভোটাৰ ৰাইজক নিৰ্ভয়ে ভোটদান কৰিবলৈ ওলাই আহিবলৈ আহ্বান জনাইছে অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তই ৷ লগতে ছচিয়েল মিডিয়াৰ ওপৰতো তীক্ষ্ণ নজৰ ৰাখিছে আৰক্ষীয়ে৷
