নিউজ ডেস্কঃ
ভাৰতত ক’ৰোনা আক্ৰান্তৰ সংখ্যা হ্ৰাস পোৱাৰ পৰিৱৰ্ত্তে বৃদ্ধি পাই আছে৷ যোৱা ২৪ ঘণ্টাত এই মহামাৰীত ৫৬ হাজাৰৰো অধিক লোক আক্ৰান্ত হয়৷ কেন্দ্ৰীয় স্বাস্থ্য আৰু পৰিয়াল কল্যাণ বিভাগৰ মতে যোৱা ২৪ ঘণ্টাত ৫৬ হাজাৰ ২৮২ জন লোক ক’ৰোনাত আক্ৰান্ত হয়৷ ফলত দেশত ক’ৰোনাত আক্ৰান্তৰ সংখ্যা ১৯ লাখ ৬৪ হাজাৰ ৫৩৭ জনলৈ বৃদ্ধি পালে৷
ইয়াৰ মাজত ১৩ লাখ ২৮ হাজাৰ ৩৩৭ জন লোক সুস্থ হৈছে৷ যোৱা ২৪ ঘণ্টাত সুস্থ হৈছে ৪২ হাজাৰৰ অধিক লোক৷ বৰ্তমানে চিকিৎসাধীন হৈ আছে ৫ লাখ ৯৫ হাজাৰ ৫০১ জন লোক৷ স্বাস্থ্য আৰু পৰিয়াল কল্যাণ বিভাগৰ মতে যোৱা ২৪ ঘণ্টাত ক’ৰোনাত আক্ৰান্ত হৈ ৯০৪ জন লোকৰ মৃত্যু হয়৷ ফলত এই মহামাৰীত মুঠ মৃত্যুৰ সংখ্যা হ’ল ৪০ হাজাৰ ৬৯৯ জন৷
