লংকাৰ পৰা মনোজ কুমাৰ পাঠক
এখন ঐতিহাসিক বনভোজস্থলী। যিখন বনভোজস্থলীয়ে বছৰৰ প্ৰত্যেকটো দিন পৰ্যটকক হাত বাউলি মাতে এতিয়া নিজম নিস্তব্ধ। কিয়নো মহামাৰী কৰণা ভাইৰাছৰ কাৰণে পৰ্যটক আহিব পৰা নাই উক্ত বনভোজস্থলীলৈ। হোজাই জিলাৰ ডবকাৰ এই বনভোজস্থলীখনৰ নাম হৈছে আকাশী গংগা।
ৰাজ্যৰ ভিন্ন প্ৰান্তৰ পৰ্যকটক আৰু ভক্তপ্ৰাণ লোকৰ এখন বিশেষ পৰিচিত ঠাই হৈছে আকাশীগংগা । ডবকা নগৰৰ পৰা মাত্ৰ কিছু কিলোমিটাৰ নিলগত থকা এই পৰ্যটনস্থলীলৈ নিতৌ সমাগম হয় শ শ পৰ্যকটকৰ। আকাশী গংগাৰ আছে নিজা অপৰূপ সুন্দৰ্য্য, পাহাৰৰ মাজেৰে বৈ অহা নিজৰাৰ শব্দই সকলোৰে মন মোহিত কৰি তোলে । কুলি কেতেকীৰ কু কু শব্দই যেন পাহাৰখনক যেন জীয়াই তোলে। পিছে সেই আকাশী গংগাতে আছে হিন্দু ধৰ্মাৱলম্বী লোকৰ ঐতিহাসিক শিৱ মন্দিৰ।
ৰাজ্যৰ বহু প্ৰান্তৰ পৰা লোক আহে এই শিৱ মন্দিৰলৈ, প্ৰবাদ আছে যে, এই শিৱ মন্দিৰত আহি প্রাৰ্থনা কৰিলে মনৰ কামনা পূৰণ হয়। সম্প্ৰতি ৰাজ্যত কৰণাৰ আতংক, কৰণা আতংকৰ মাজতে আৰম্ভ হৈছে বলবম, কিন্তু এইবাৰ বলবম হ’ব অলপ ব্যতিক্ৰম । শ শ ভক্ত এইবাৰ হ’ব নোৱাৰিব অনুপ্ৰাণিত। মধ্য অসমৰ হোজাই জিলাৰ আকাশীগংগা আৰু ৰেং বেং একমাত্ৰ বনভোজস্থলী। পিছে এইবাৰ এই ঠাই দুখন জনশূন্যত পৰিণত হৈছে।
