উত্তৰাখণ্ডৰ ডেৰাডুনৰ পিছত এইবাৰ তামিলনাডুৰ কয়ম্বটুৰ (Coimbatore in Tamil Nadu)। ২৪ ঘণ্টাৰ ভিতৰতে আন এগৰাকী নীট প্ৰত্যাশী (NEET aspirant)ৰ মৃতদেহ উদ্ধাৰ (Recovery of the dead body) হয়। আৰক্ষীয়ে জনোৱা মতে, মৃতকৰ নাম অনুকীৰ্তন (Name of the deceased is Anukirtan)। এই বছৰ তেওঁ নীটত বহিছিল। কিন্তু প্ৰশ্নকাকত ফাদিল হোৱাৰ বাবে পৰীক্ষা বাতিল হোৱাৰ পিছৰে পৰা তেওঁ যথেষ্ট মানসিক চাপত আছিল। পৰিয়ালৰ লোকেও আৰক্ষীৰ ওচৰত এই দাবী উত্থাপন কৰিছে।
প্ৰাথমিক তদন্তৰ অন্তত আৰক্ষীয়ে গম পায় যে অনুকীৰ্তনে প্ৰথমটো নীট পৰীক্ষা খুব ভালকৈ দিছিল। ভাল নম্বৰ পাম বুলিও পৰিয়ালক কৈছিল। কিন্তু পৰীক্ষা বাতিল হোৱাৰ পিছৰে পৰা তেওঁ মানসিক চাপত ভুগি আছিল। তাৰ পিছতো তেওঁ নীটৰ বাবে প্ৰস্তুতি চলাইছিল। কিন্তু ইয়াৰ মাজতে এই ঘটনাত স্তম্ভিত হৈ পৰিছে পৰিয়ালৰ লোক। আৰক্ষীয়ে জনোৱা মতে, অনুকীৰ্তনৰ ঘৰৰ পৰা এখন ছুইচাইড নোট উদ্ধাৰ কৰা হৈছে। অৱশ্যে তাত কি লিখা আছে সেই কথা তদন্তকাৰীয়ে প্ৰকাশ কৰা নাই। এই ঘটনাক লৈ কয়ম্বটুৰত প্ৰতিবাদ সাব্যস্ত কৰা হয়। ছাত্ৰ-ছাত্ৰী আৰু অভিভাৱকসকলে নীট পৰীক্ষা বন্ধ কৰিবলৈ দাবী জনায়।
উল্লেখ্য যে তামিলনাডু চৰকাৰেও দীৰ্ঘদিন ধৰি নীট বন্ধ কৰাৰ পোষকতা কৰি আহিছে। আশানুৰূপ ফলাফল নোপোৱাৰ বাবে বহু ছাত্ৰ-ছাত্ৰীয়ে আত্মহত্যাৰ পথ বাছি লৈছে। তামিলনাডু চৰকাৰে ছাত্ৰ-ছাত্ৰী আৰু তেওঁলোকৰ ভৱিষ্যতৰ স্বাৰ্থত এই পৰীক্ষা বন্ধ কৰাৰ বাবে বাৰে বাৰে পোষকতা কৰি আহিছে। কয়ম্বটুৰত নীটৰ এগৰাকী ছাত্ৰীৰ মৃত্যুক লৈ জনতাৰ ক্ষোভ আৰু অধিক বৃদ্ধি পাইছে। কেৱল তামিলনাডুতে নহয়, মঙলবাৰে উত্তৰাখণ্ডৰ ডেৰাডুনত আন এগৰাকী নীট পৰীক্ষাৰ্থীৰ মৃতদেহ উদ্ধাৰ হয়। ইয়াৰ পূৰ্বে তেওঁ কেইবাবাৰো নীট দিছিল। কিন্তু তেওঁ সফল হোৱা নাছিল। এইবাৰো তেওঁ পৰীক্ষা দিয়ে যদিও কিন্তু বাতিল হোৱাৰ বাবে তেওঁ মানসিক বিষণ্ণতাত ভুগি আছিল। তাৰ পিছত তেওঁ আত্মহত্যা কৰে। ঘৰৰ পৰা এখন ছুইচাইড নোটো উদ্ধাৰ কৰা হৈছে। নীট বাতিল হোৱাৰ পিছৰে পৰা শেহতীয়াকৈ দেশৰ বিভিন্ন প্ৰান্তৰ পৰা কেইবাগৰাকীও ছাত্ৰ-ছাত্ৰীয়ে আত্মহত্যা কৰাৰ খবৰ পোহৰলৈ আহিছে।
উল্লেখ্য যে এইবাৰ ৩ মে’ত নীট অনুষ্ঠিত হৈছিল। কিন্তু ৭ মে’ত পৰীক্ষাৰ প্ৰশ্নকাকত ফাদিলৰ বিষয়টো পোহৰলৈ আহে। ইয়াৰ কিছু সময়ৰ পাছতে ৰাষ্ট্ৰীয় পৰীক্ষণ সংস্থাই ১২ মে’ত নীট পৰীক্ষা বাতিল কৰাৰ কথা ঘোষণা কৰে। ২১ জুনত পুনৰ এই পৰীক্ষা অনুষ্ঠিত হ’ব।
