ভাৰতৰ পাৰমাণৱিক নীতি (India’s Nuclear Policy)ত এক গুৰুত্বপূৰ্ণ পৰিৱৰ্তন (Important change)। এয়া প্ৰথমবাৰৰ বাবে হৈছে যে দিল্লীয়ে প্ৰত্যক্ষ যুদ্ধৰ বাবে ১২ টা পাৰমাণৱিক অস্ত্ৰ মোতায়েন (Deployment of 12 nuclear weapons) কৰিছে। ইণ্টাৰনেচনেল আৰ্মছ ৰিচাৰ্ছ অৰ্গেনাইজেশ্যন (এছআইপিআৰআই)ৰ শেহতীয়া এক প্ৰতিবেদনত এই দাবী কৰা হৈছে। এতিয়ালৈকে, পাৰমাণৱিক বোমা আৰু ক্ষেপণাস্ত্ৰ পৃথক স্থানত ৰখাটো ভাৰতৰ নীতি আছিল। কিন্তু চিআইপিআৰআইৰ প্ৰতিবেদন অনুসৰি, ভাৰতে ইয়াৰ পুৰণি স্থিতিৰ পৰা আঁতৰি আহিছে। প্ৰথমবাৰৰ বাবে দেশখনৰ পাৰমাণৱিক অস্ত্ৰাগাৰ ব্যৱহাৰৰ বাবে সাজু ৰখা হৈছে, কেৱল ‘মজুত’ কৰা নহয়।
ভূগৰ্ভস্থ ক্ষেপণাস্ত্ৰ ঘাটি আৰু পাৰমাণৱিক ছাবমেৰিনত এই অস্ত্ৰ-শস্ত্ৰৰ উপস্থিতিৰ অৰ্থ হৈছে যে ভাৰত এতিয়া যিকোনো পৰিস্থিতিৰ বাবে সম্পূৰ্ণৰূপে সাজু হৈ আছে। প্ৰতিবেদন অনুসৰি, এই ১২ টা পাৰমাণৱিক বোমা ইতিমধ্যে ক্ষেপণাস্ত্ৰৰ সৈতে সংলগ্ন কৰা হৈছে বা পোনপটীয়াকৈ সামৰিক ঘাটিলৈ প্ৰেৰণ কৰা হৈছে। একে সময়তে ভাৰতত পাৰমাণৱিক অস্ত্ৰৰ সংখ্যাও যোৱা এবছৰত সামান্য বৃদ্ধি পাইছে।
প্ৰতিবেদনত এইটোও কোৱা হৈছিল যে ভাৰতে ছাবমেৰিনত পাৰমাণৱিক অস্ত্ৰৰে সাগৰত টহল দি আছে। অনুমান অনুসৰি, ২০২৬ চনৰ জানুৱাৰীলৈকে ভাৰতৰ ওচৰত প্ৰায় ১৯০ টা পাৰমাণৱিক অস্ত্ৰ আছে। ভাৰতৰ এতিয়া সাগৰ, স্থল আৰু আকাশ এই তিনিওটা উপায়েৰে পাৰমাণৱিক আক্ৰমণ কৰাৰ সামৰ্থ্য আছে।
বিশেষজ্ঞসকলৰ মতে, আনকি শান্তিৰ সময়তো ক্ষেপণাস্ত্ৰৰ ভিতৰত পাৰমাণৱিক বোমাৰ উপস্থিতি আৰু সাগৰত ছাবমেৰিনৰ নিয়মীয়া নিৰীক্ষণে প্ৰমাণ কৰে যে ভাৰতে ইয়াৰ ৰণনীতি যথেষ্ট সলনি কৰিছে। অৱশ্যে এই পৰিৱৰ্তন স্বত্বেও, ভাৰতে ইয়াৰ ‘প্ৰথম ব্যৱহাৰ নকৰা’ নীতিত অটল হৈ আছে। অৰ্থাৎ, ভাৰতে কেতিয়াও নিজাববীয়াকৈ কোনো দেশৰ ওপৰত পাৰমাণৱিক বোমা নিক্ষেপ নকৰে। যদি কোনো দেশে ভাৰতৰ মাটিত বা ভাৰতীয় সেনাৰ ওপৰত পাৰমাণৱিক আক্ৰমণ কৰে ভাৰতে প্ৰত্যুত্তৰ দিব। এই অস্ত্ৰ-শস্ত্ৰ কোনো দেশৰ সৈতে প্ৰতিযোগিতা কৰিবলৈ নহয়, কিন্তু দেশৰ বাবে ঢাল হিচাপে।
