প্ৰকাশ পালে কেন্দ্ৰীয় লোকসেৱা আয়োগ চমুকৈ ইউ পি এছ চিৰ ২০২৫ বৰ্ষৰ (UPSC-2025) অসামৰিক সেৱাসমূহৰ চূড়ান্ত পৰীক্ষাৰ ফলাফল (Final exam results)। এই পৰীক্ষাত অনুজ অগ্নিহোত্ৰী (Anuj Agnihotri, 1st Position)য়ে শীৰ্ষস্থান দখল কৰাৰ বিপৰীতে দ্বিতীয় আৰু তৃতীয় স্থান দখল কৰে ক্ৰমে ৰাজেশ্বৰী সুৱে এম আৰু আকাংশ ধূলে৷
আনহাতে, এই পৰীক্ষাত উত্তীৰ্ণ (passed the exam) হৈছে তিনি অসম সন্তান (Three Assamese children)৷ তেওঁলোক হৈছে অভিজ্ঞান খাউণ্ড (সৰ্বভাৰতীয় ৰেংক ১৮৭), অভিজ্ঞানজ্যোতি বৰা (সৰ্বভাৰতীয় ৰেংক ৫৭০) আৰু ভাস্বত শইকীয়া (সৰ্বভাৰতীয় ৰেংক ৭৭৭)।
আয়োগৰ তথ্য অনুসৰি, এইবাৰ মুঠ ৯৫৮ গৰাকী পৰীক্ষাৰ্থীয়ে যোগ্যতা অৰ্জন কৰিছে আৰু পৰৱৰ্তী সময়ত প্ৰশিক্ষণৰ অন্তত তেওঁলোকে বিভিন্ন কেন্দ্ৰীয় অসামৰিক সেৱাত নিযুক্ত হ’ব৷
উল্লেখযোগ্য যে এই অসামৰিক সেৱাৰ পৰীক্ষা বছৰি তিনিটা পৰ্যায় প্ৰাৰম্ভিক (prilims), মূল (mains) আৰু সাক্ষাৎকাৰ (viva) মাজেৰে অনুষ্ঠিত হয়৷ ভাৰতীয় প্ৰশাসনিক সেৱা (আই এ এছ), ভাৰতীয় বৈদেশিক সেৱা (আই এফ এছ) আৰু ভাৰতীয় আৰক্ষী সেৱা (আই পি এছ) আদি বিভাগৰ বাবে বিষয়া নিৰ্বাচনৰ বাবে ইউ পি এছ চিয়ে প্ৰতি বছৰে এই পৰীক্ষা অনুষ্ঠিত কৰে।
এইবাৰ এই পৰীক্ষাত শীৰ্ষ দহটা স্থান লাভ কৰিছে ক্ৰমে অনুজ অগ্নিহোত্ৰী, ৰাজেশ্বৰী সুৱে এম, আকাংশ ধূল, ৰাঘৱ ঝুনঝুনৱালা, ঈশান ভাটনগৰ, জিনিয়া অৰোৰা, এ আৰ ৰাজা মহিদীন, পক্ষল চেক্ৰেট্ৰি, আস্থা জৈন আৰু উজ্জ্বল প্ৰিয়ংকে।
