ইৰাণৰ ওপৰত আমেৰিকা আৰু ইজৰাইলৰ আক্ৰমণে পশ্চিম-এছিয়াত যুদ্ধৰ পৰিস্থিতিৰ সৃষ্টি কৰিছে। ফলত অঞ্চলটোত কৰ্মৰত লাখ লাখ ভাৰতীয় নাগৰিকৰ সুৰক্ষাক লৈ প্ৰশ্ন উত্থাপন হৈছে। এনে পৰিস্থিতিত দেওবাৰে নিশা প্ৰধানমন্ত্ৰী নৰেন্দ্ৰ মোদী (PM MOdi)য়ে সংযুক্ত আৰব আমিৰশ্বাহীৰ ৰাষ্ট্ৰপতি শ্বেখ মহম্মদ বিন জায়েদ আল নাহিয়ানৰ সৈতে ফোনযোগে কথা পাতিছিল। সোমবাৰে তেওঁ চৌদি আৰৱৰ (Prince of Saudi Arabia) যুৱৰাজ মহম্মদ বিন ছলমান (Mohammed bin Salman) আৰু বাহৰেইনৰ ৰজা (King of Bahrain) হামাদ বিন ইছা আল খলিফা (Hamad bin Isa Al Khalifa)ৰ সৈতেও কথা পাতে (Even then, speaks)। তাৎপৰ্যপূৰ্ণ কথাটো হ’ল যে তিনিওখন দেশৰ ওপৰত ইৰাণৰ আক্ৰমণৰ পিছত তেওঁ এই আলোচনা কৰিছে।
ছলমানৰ সৈতে হোৱা আলোচনা সন্দৰ্ভত সোমবাৰে ছ’চিয়েল মিডিয়াত মোদীয়ে লিখিছে, “চৌদি আৰৱৰ যুৱৰাজ মহম্মদ বিন ছালমানৰ সৈতে পশ্চিম এছিয়াৰ পৰিস্থিতিৰ বিষয়ে আলোচনা কৰিলোঁ। শেহতীয়াকৈ ছৌদি আৰৱৰ সাৰ্বভৌমত্ব আৰু ভূখণ্ডৰ অখণ্ডতাক উলংঘা কৰা আক্ৰমণক ভাৰতে গৰিহণা দিয়ে। আমি এই কথাত একমত হওঁ যে আঞ্চলিক শান্তি আৰু স্থিতিশীলতাৰ শীঘ্ৰে সম্ভৱপৰ পুনৰুদ্ধাৰ সৰ্বোচ্চ গুৰুত্বপূৰ্ণ। মই তেওঁক ধন্যবাদ জনাইছো যে তেওঁ এই কঠিন সময়ত ভাৰতীয় জনসাধাৰণৰ কল্যাণৰ বাবে বিষয়টো চোৱাচিতা কৰিছে।”
এই সম্পৰ্কে মোদীয়ে দেওবাৰে ছ’চিয়েল মিডিয়াত এটা পোষ্টত লিখিছে, ”সংযুক্ত আৰব আমিৰশ্বাহীৰ ৰাষ্ট্ৰপতি মোৰ ভাতৃ শ্বেইখ মহম্মদ বিন জায়েদ আল নাহিয়ানৰ সৈতে কথা পাতিছিলোঁ। সংযুক্ত আৰব আমিৰশ্বাহীৰ ওপৰত হোৱা আক্ৰমণক তীব্ৰ গৰিহণা দি এই আক্ৰমণত প্ৰাণ হেৰুওৱাৰ বাবে শোক প্ৰকাশ কৰে। এই কঠিন সময়ত ভাৰত ইউ এ ইৰ কাষত থিয় দিছে।”
আনহাতে, বাহৰেইনৰ ৰজা হামাদৰ সৈতে হোৱা আলোচনাত মোদীয়ে দেশখনত ইৰাণৰ ক্ষেপণাস্ত্ৰ আক্রমণকো গৰিহণা দিয়ে৷ ইয়াৰ উপৰি ইৰাণৰ আক্ৰমণত মৃত্যু হোৱা লোকৰ বাবেও তেওঁ শোক প্ৰকাশ কৰে।
