এজনো মন্ত্ৰী দেখা নাই। বিৰোধী সাংসদসকলৰ দাবীত ৰাজ্যসভা ১০ মিনিটৰ বাবে স্থগিত ৰখা হয়। বিৰোধী দলবোৰে বিষয়টোত সৰৱ হৈ আছে। তেওঁলোকৰ মতে, অধিৱেশনত এজনো পূৰ্ণ পৰ্যায়ৰ মন্ত্ৰীৰ অনুপস্থিতি সদনৰ বাবে অপমান। শুকুৰবাৰ আছিল সংসদত হোৱা আক্ৰমণৰ ২৪ তম বাৰ্ষিকী৷ ৰাজ্যসভাৰ সাংসদসকলে আক্ৰমণৰ ভুক্তভোগীসকলক শ্ৰদ্ধাঞ্জলি জ্ঞাপন কৰিছিল।
ইয়াৰ পিছতে, বিৰোধী সাংসদসকলে লক্ষ্য কৰিছিল যে সংসদৰ উচ্চ সদনত এজনো পূৰ্ণ পৰ্যায়ৰ মন্ত্ৰী উপস্থিত নাছিল। তেওঁলোকে এই বিষয়ত ৰাজ্যসভাৰ অধ্যক্ষৰ দৃষ্টি আকৰ্ষণ কৰে। ৰাধাকৃষ্ণণে এজন ৰাজ্যিক মন্ত্ৰীক অতি কমেও এজন পূৰ্ণ পৰ্যায়ৰ মন্ত্ৰীক উপস্থিত থাকিবলৈ ক’বলৈ অনুৰোধ কৰিছিল।
বিৰোধী সাংসদসকলে অধিৱেশন স্থগিত ৰখাৰ দাবী জনায়। ৰাধাকৃষ্ণনে কয়, “মই সভাখনৰ কাৰ্যক্ৰমণিকাৰ বিষয়ে অৱগত। মই মন্ত্ৰীসকলক অনুৰোধ জনাইছো। অন্ততঃ এজন মন্ত্ৰী আহিব লাগে।” বিৰোধী সাংসদসকলে অধিৱেশন স্থগিত ৰখাৰ দাবী অব্যাহত ৰাখে। ৰাধাকৃষ্ণনে পাঁচ মিনিট অপেক্ষা কৰিলে।
কংগ্ৰেছৰ ৰাজ্যসভাৰ সাংসদ জয়ৰাম ৰমেশে অধ্যক্ষক কয়, “এয়া সদনৰ অপমান। পূৰ্ণ পৰ্যায়ৰ মন্ত্ৰীসকল নোহোৱালৈকে আপুনি অধিৱেশনখন স্থগিত ৰাখক। ৰাধাকৃষ্ণনে সভাখন ১০ মিনিটৰ বাবে স্থগিত ৰাখিছিল যিহেতু পাঁচ মিনিটৰ পিছতো কোনো পূৰ্ণ পৰ্যায়ৰ মন্ত্ৰী উপস্থিত নাছিল।
