বোকাখাতৰ লখৌজানৰ ৩৭ নং ৰাষ্ট্ৰীয় ঘাই পথৰ ঘগৰাজানৰ ওপৰত আজি দিনৰ প্ৰায় দুই বজাত সংঘটিত পথ দুৰ্ঘটনাত (Bokakhat Accident) গুৰুতৰ ভাৱে আহত হোৱা দুই বাইক আৰোহিৰ এজনক বোকাখাত কমলামিৰি অসামৰিক মহকুমা চিকিৎসালয়লৈ নিয়াৰ পাছত গোলাঘাট দৈগ্ৰোঙৰ ৰাজীৱ চাহু(২৪)ৰ মৃত্যু হোৱাৰ লগতে আহত আন গৰাকী বাইক আৰোহী সুৰজ গোৱালাক যোৰহাট চিকিৎসা মহাবিদ্যালয়লৈ উন্নত চিকিৎসাৰ বাবে প্ৰেৰণ কৰা হৈছে।
বোকাখাতৰ পৰা দৈগ্ৰোঙ আভিমুখী AS03AE7646 ৰয়েল এনফিল্ড বাইক আৰু WB23F7773 তেল পৰিবাহি টেঙ্কাৰ মুখা মুখী সংঘৰ্ষৰ ফলত এই দুৰ্ঘটনা সংঘটিত হয়। দুৰ্ঘটনা সংঘটিত কৰা ট্ৰেংকাৰখন বোকাখাত আৰক্ষীয়ে জব্দ কৰে।
