ৰাজীৱ কুমাৰৰ পিছত নতুন মুখ্য নিৰ্বাচন আয়ুক্ত নিৰ্বাচনৰ (Election Commission of India) প্ৰক্ৰিয়া শীঘ্ৰেই আৰম্ভ হ’ব। নতুন নিৰ্বাচন আয়ুক্তগৰাকীয়ে চলিত বৰ্ষৰ শেষৰ ফালে বিহাৰত আৰু অহা বছৰ পশ্চিমবংগ আৰু তামিলনাডুৰ লগতে অসম আৰু কেৰালাতো নিৰ্বাচন অনুষ্ঠিত কৰিব।
সূত্ৰ অনুসৰি, সোমবাৰে বাছনি সমিতিৰ বৈঠক অনুষ্ঠিত হ’ব। এই কমিটীত প্ৰধানমন্ত্ৰী নৰেন্দ্ৰ মোদী, কেন্দ্ৰীয় আইন মন্ত্ৰী অৰ্জুন ৰাম মেঘৱাল আৰু কংগ্ৰেছ সাংসদ ৰাহুল গান্ধী লোকসভাত বিৰোধী দলৰ নেতা হিচাপে উপস্থিত থাকিব। উচ্চতম ন্যায়ালয়ে মুখ্য নিৰ্বাচন আয়ুক্ত আৰু নিৰ্বাচন আয়ুক্ত নিৰ্বাচন সন্দৰ্ভত নতুন আইনখনৰ বিৰুদ্ধে আবেদনৰ শুনানি গ্ৰহণ কৰাৰ এদিন পূৰ্বে এই প্ৰক্ৰিয়া আৰম্ভ হ’ব।
সমালোচকসকলে কয় যে এই নতুন আইনখনে কেন্দ্ৰীয় চৰকাৰক পক্ষপাতিত্ব প্ৰদান কৰিব। মঙলবাৰে পদত্যাগ কৰিব বৰ্তমানৰ মুখ্য নিৰ্বাচন আয়ুক্ত ৰাজীৱ কুমাৰে। ২০২২ চনৰ মে’ মাহত তেওঁক মুখ্য নিৰ্বাচন আয়ুক্ত হিচাপে নিযুক্তি দিয়া হৈছিল। তেওঁৰ কাৰ্যকালত বিশেষকৈ দিল্লী নিৰ্বাচনৰ সময়ত কংগ্ৰেছ আৰু আম আদমী পাৰ্টিৰ পৰা কেইবাটাও অভিযোগ উত্থাপন হৈছে।
বিৰোধীয়ে নিয়মীয়াকৈ অভিযোগ উত্থাপন কৰি আহিছে যে নিৰ্বাচন আয়োগে বিজেপিৰ নিৰ্দেশমৰ্মে কাম কৰে। ইভিএমৰ ব্যৱহাৰৰ ওপৰতো প্ৰশ্ন উত্থাপন কৰে আৰু ইভিএম হেক কৰা বুলিও দাবী কৰে। লগতে নিৰ্বাচনৰ দিনটোত তথ্য প্ৰকাশক লৈ নিৰ্বাচন আয়োগ সমালোচনাৰ সন্মুখীন হ’বলগীয়া হয়।
অৱশ্যে বুধবাৰে ৰাজীৱ কুমাৰে ভোটিং ডাটা ছিষ্টেম অতি সুৰক্ষিত বুলি দাবী কৰে। তেওঁ দাবী কৰে যে কোনো জালিয়াতি কৰাৰ সম্ভাৱনা নাই। ইভিএমৰ জালিয়াতিৰ কথা নাকচ কৰি তেওঁ কয় যে এই মেচিনসমূহে উচ্চতম ন্যায়ালয়কে ধৰি সকলো ন্যায়িক পৰীক্ষাত উত্তীৰ্ণ হৈছে।
