বিচাৰ চলি থকা সময়তে আদালতত সংঘটিত হ’ল অদ্ভূত কাণ্ড। যাৱজ্জীৱন কাৰাদণ্ডৰ শাস্তিৰ ৰায় প্ৰদানৰ বাবেই অভিযুক্তই আদালত কক্ষত মহিলা ন্যায়াধীশলৈ (Shoe thrown at judge) জোতা নিক্ষেপ কৰে। এই ঘটনাত সকলোৱে স্তম্ভিত হৈ পৰিছে। ঘটনাটো সংঘটিত হৈছে হায়দৰাবাদৰ ৰঙ্গা ৰেড্ডী জিলা আদালতত।
আৰক্ষীয়ে প্ৰদান কৰা তথ্য অনুসৰি, ৰঙ্গা ৰেড্ডী জিলা আদালতৰ এগৰাকী মহিলা ন্যায়াধীশে ১১ ফেব্ৰুৱাৰীত হত্যাৰ চেষ্টাৰ গোচৰত এজন অভিযুক্তক যাৱজ্জীৱন কাৰাদণ্ডৰ নিৰ্দেশ দিয়ে।বৃহস্পতিবাৰে আন এক হত্যাকাণ্ডৰ গোচৰত অভিযুক্তক আদালতত হাজিৰ কৰা হয়।
এই গোচৰৰ শুনানিও উক্ত মহিলা ন্যায়াধীশগৰাকীৰ আদালততে হয়। কিন্তু অভিযুক্তক আদালত কক্ষলৈ নিয়াৰ সময়তে সমস্যাৰ সৃষ্টি হয়। মহিলা ন্যায়াধীশগৰাকীকক দেখাৰ লগে লগে অভিযুক্তই পিন্ধি থকা জোতা খুলি তেওঁৰ ফালে দলিয়াই দিয়ে। অৱশ্যে ভাগ্য ভাল যে ন্যায়াধীশগৰাকীৰ গাত সেই জোতা নালাগিল।
এই ঘটনাক তীব্ৰ গৰিহণা দিয়ে ৰঙ্গা ৰেড্ডী জিলা আদালতৰ উকীল সন্থাই। ৰঙ্গা ৰেড্ডী জিলা আদালতৰ উকীল সন্থাৰ সভাপতি ৱাই কণ্ডল ৰেড্ডীয়ে কয় যে যাৱজ্জীৱন কাৰাদণ্ডৰ শাস্তি লাভ কৰা অভিযুক্তই ন্যায়াধীশৰ ওপৰত ক্ষোভ প্ৰকাশ কৰি তেওঁলৈ জোতা নিক্ষেপ কৰে।
অভিযুক্তক কঠোৰ শাস্তি প্ৰদানৰো দাবী জনায়। ইফালে ন্যায়াধীশগৰাকীৰ ওপৰত হোৱা আক্ৰমণক তীব্ৰ গৰিহণা দি শুকুৰবাৰে আদালতৰ কাৰ্য্যবিধি বৰ্জনৰ আহ্বান জনায় উকীল সন্থাই।
এই ঘটনাত এটা গোচৰ ৰুজু হৈছে। ইণ্ডিয়ান তদন্ত চলি আছে।
