যোৱা বছৰ (Last year) সমগ্ৰ বিশ্বতে (All over the world) ১২৪ জন সাংবাদিকক হত্যা (124 journalists killed) কৰা হয় আৰু এইটো হৈছে সৰ্বকালৰ অভিলেখ (All-Time Record)। এই তথ্য সাংবাদিকৰ অধিকাৰ ৰক্ষাৰ বাবে কাম কৰি থকা আন্তঃৰাষ্ট্ৰীয় সংস্থা ‘সাংবাদিক সুৰক্ষা সমিতি’ৰ (চি পি জে) সম্প্রতি প্রকাশিত প্রতিবেদনত দিয়া হৈছে৷
প্ৰকাশিত প্ৰতিবেদনত ইজৰাইলী সেনাই যোৱা বছৰ ৮৫ জন সাংবাদিকক হত্যা কৰা বুলিও উল্লেখ কৰিছে। অৰ্থাৎ মুঠ ভুক্তভোগীৰ তালিকাৰ ৭০ শতাংশই টেল আভিভৰ দ্বাৰা সংঘটিত হৈছে। ইয়াৰে গাজাত ৮২ জনৰ মৃত্যু হৈছে। নিহত ৮৫ জন সাংবাদিকৰ ভিতৰত ৮২ জন আছিল পেলেষ্টাইনী নাগৰিক।
ইয়াৰ পূৰ্বে ২০০৭ চনত সমগ্ৰ বিশ্বতে ১১৩ জন সাংবাদিকক হত্যা কৰা হৈছিল। তেতিয়ালৈকে সেইটোৱেই আছিল সৰ্বকালৰ অভিলেখ। চি পি জেৰ প্ৰতিবেদন অনুসৰি, সেই সময়ত আইছিছৰ আক্ৰমণ আৰু ইৰাকৰ গৃহযুদ্ধৰ পৰিস্থিতিৰ বাবে বহু সাংবাদিকৰ মৃত্যু হৈছিল। এইবাৰ সেয়া গাজাত ঘটে। উল্লেখ্য় যে ২০২৩ চনত বিশ্বৰ ১০২ জন সাংবাদিক কৰ্তব্যৰত অৱস্থাত নিহত হৈছিল। আনহাতে, ২০২২ চনত এই সংখ্যা আছিল ৬৯।
চি পি জেৰ প্ৰতিবেদন অনুসৰি, ২০২৪ চনত চুডান আৰু পাকিস্তানে সাংবাদিক হত্যাৰ সংখ্যাত যৌথভাৱে দ্বিতীয় স্থানত আছে। দেশ দুখনত ৬ জন সাংবাদিক নিহত হৈছে। ইয়াৰ উপৰি যোৱা বছৰ মেক্সিকোত পাঁচজন সাংবাদিক, ম্যানমাৰ, লেবানন আৰু ইৰাকত তিনিজনকৈ আৰু হাইটিত দুজন সাংবাদিক নিহত হৈছিল।
