নিউজ ডেস্কঃ

Income Tax Bill I আয়কৰ বিলত ছীল-মোহৰ মন্ত্ৰীসভাৰ

Terrorist Killed in Kashmir I পাক অধিকৃত কাশ্মীৰত লেণ্ডমাইনত ভৰি পৰি নিহত কমেও ৫ পাক সন্ত্ৰাসবাদী পাকৰ অধিকৃত কাশ্মীৰত অনুপ্ৰৱেশ কৰি থকা অৱস্থাত লেণ্ডমাইনত ভৰি দি কমেও পাঁচ পাকিস্তানী সন্ত্ৰাসবাদী নিহত হয়। শুকুৰবাৰে জম্মু-কাশ্মীৰৰ নিয়ন্ত্ৰণ ৰেখাৰ সমীপৰ পুঞ্চ জিলাৰ বট্টল ছেক্টৰত সংঘটিত হয় এই ঘটনা। সন্ত্ৰাসবাদীৰ দলটোৰ লগত আই ই ডি আছিল বুলিও অনুমান কৰা হৈছে। সূত্ৰ অনুসৰি, নিয়ন্ত্ৰণ ৰেখাৰ কাষৰীয়া কেইবাটাও স্থানত লেণ্ডমাইন সংস্থাপন কৰাৰ লগতে অনুপ্ৰৱেশ ৰোধৰ বাবে বিভিন্ন ব্যৱস্থা গ্ৰহণ কৰা হৈছে। কেতিয়াবা অৱশ্যে লেণ্ডমাইনবোৰ বৰষুণৰ বাবে নিৰ্দিষ্ট স্থানৰ পৰা স্থানান্তৰিত হয়। অনুমান কৰা হৈছে যে পাক অধিকৃত কাশ্মীৰৰ পৰা ভাৰতত প্ৰৱেশ কৰাৰ সময়ত কোনোৱে এনে লেণ্ডমাইনত ভৰি দিয়ে। ফলত লগে লগে সংঘটিত হয় এই বিস্ফোৰণ। অনুপ্ৰৱেশকাৰীসকলৰ লগত আই ই ডিৰ দৰে কিছুমান বিস্ফোৰক সামগ্ৰী থকাৰ বাবে বিস্ফোৰণৰ মাত্ৰা অধিক তীব্ৰতৰ হৈ পৰে। থিতাতে মৃত্যু হয় পাঁচজনৰ। নিৰাপত্তা বাহিনীয়ে বিস্ফোৰণৰ কাৰণৰ তদন্ত অব্যাহত ৰাখিছে। অঞ্চলটোৰ নিৰাপত্তাও অধিক শক্তিশালী কৰা হৈছে।

Delhi Election Results 2025 I দিল্লী নিৰ্বাচনৰ ভোট গণনাত আৰম্ভণিতে অগ্ৰগতি বিজেপিৰ

উচ্চতম ন্যায়ালয়ত (Supreme Court) নিৰ্বাচনী বিধি সংশোধনৰ পদক্ষেপক প্ৰত্যাহ্বান জনাইছে কংগ্ৰেছে। কংগ্ৰেছৰ মতে, ৰাইজে যাতে ভোটকেন্দ্ৰৰ ভিতৰত প্ৰাৰ্থীসকলৰ চিচিটিভি ফুটেজ আৰু ভিডিঅ’ চাব নোৱাৰে তাৰ বাবে নিৰ্বাচনী নিয়ম সংশোধন কৰা হৈছে। শীৰ্ষ আদালতে বুধবাৰে বিষয়টোত কেন্দ্ৰ আৰু নিৰ্বাচন আয়োগৰ পৰা উত্তৰ বিচাৰে।

Supreme Court of India I — ভোটকেন্দ্ৰৰ ফুটেজ সন্দৰ্ভত কেন্দ্ৰ-নিৰ্বাচন আয়োগৰ ব্যাখ্যা বিচাৰিলে ছুপ্ৰিম কোৰ্টে:

গোচৰটোৰ পৰৱৰ্তী শুনানি মাৰ্চৰ তৃতীয় সপ্তাহত হোৱাৰ সম্ভাৱনা আছে। কংগ্ৰেছৰ সাধাৰণ সম্পাদক জয়ৰাম ৰমেশে দলটোৰ হৈ শীৰ্ষ আদালতত এখন আবেদন দাখিল কৰে। তেওঁ নিৰ্বাচন আয়োগক মুক্ত আৰু নিৰপেক্ষভাৱে নিৰ্বাচন অনুষ্ঠিত কৰাত ব্যৰ্থ হোৱাৰ অভিযোগ উত্থাপন কৰে।

আবেদনকাৰীয়ে কয় যে এই পৰিস্থিতিত তেওঁলোকক একপক্ষীয়ভাৱে নিৰ্বাচনী নিয়ম, 1961 সংশোধন কৰাৰ সম্পূৰ্ণ ক্ষমতা প্ৰদান কৰিব নোৱাৰি। জয়ৰামক প্ৰতিনিধিত্ব কৰে জ্যেষ্ঠ অধিবক্তা কপিল চিব্বল আৰু অভিষেক মনু সিংভিয়ে। সিংভিয়ে কয় যে নিৰ্বাচনী বিধি চতুৰভাৱে সংশোধন কৰা হৈছে।

দাবী কৰা হৈছে যে যদি চিচিটিভি ফুটেজ চোৱাটো নিয়ন্ত্ৰণ নকৰিলে ভোটাৰসকলৰ পৰিচয় উন্মোচিত হ’ব পাৰে। কিন্তু সিংভিয়ে কয় যে চিচিটিভি ফুটেজে কোনে কাক ভোট দিছে সেয়া প্ৰকাশ কৰিব নোৱাৰে।

উল্লেখ্য যে কেন্দ্ৰই যোৱা মাহত নিৰ্বাচনৰ নিয়ম সংশোধন কৰে। অধিবক্তা মাহমুদ প্ৰাচাই হাৰিয়ানা বিধানসভা নিৰ্বাচনৰ সময়ত ভিডিঅ’, চিচিটিভি কেমেৰাৰ ফুটেজ আৰু নথিপত্ৰৰ প্ৰতিলিপি বিচাৰি পঞ্জাব আৰু হাৰিয়ানা উচ্চ ন্যায়ালয়ত এখন আবেদন দাখিল কৰিছিল।

উচ্চ ন্যায়ালয়ে সেইবোৰ প্ৰাচাক দিবলৈ নিৰ্দেশ দিছিল। তাৰ পিছতে আইন মন্ত্ৰালয় আৰু নিৰ্বাচন আয়োগৰ বিষয়াসকলে নিৰ্বাচনী নিয়মৰ সংশোধনী গ্ৰহণ কৰিছে। কংগ্ৰেছে দাবী কৰিছে যে এইটোৱে দেখুৱায় যে নিৰ্বাচনী প্ৰক্ৰিয়াৰ স্বচ্ছতা দ্ৰুতগতিত অৱনতি হৈছে।

সংশোধনীৰ পূৰ্বে নিৰ্বাচনী সংহিতাৰ ধাৰা ৯৩ (২-এ)ত কোৱা হৈছিল যে বেলট পেপাৰকে ধৰি কেইটামান নথিৰ বাহিৰে নিৰ্বাচন সম্পৰ্কীয় আন সকলো নথি-পত্ৰ ৰাইজে পৰীক্ষা কৰিব পাৰে। কিন্তু সংশোধিত নিয়ম অনুসৰি, জনসাধাৰণৰ ৱেবকাষ্টিং, ভিডিঅ’ ফুটেজ আৰু অন্যান্য নথি-পত্ৰ চোৱাৰ কোনো অধিকাৰ নাথাকিব।

নতুন নিয়মৰ অধীনত কেৱল প্ৰাৰ্থীৰ শপতনামা (মনোনয়ন পত্ৰ, ভোটদান এজেণ্টৰ নিযুক্তি পত্ৰ, নিৰ্বাচনৰ ফলাফল আৰু নিৰ্বাচনৰ বাবে ব্যৱহৃত প্ৰাৰ্থীৰ বেংক একাউণ্ট ৰেকৰ্ড আদি) সম্পৰ্কীয় ভোটদানৰ নিয়ম আৰু নথি-পত্ৰহে ৰাজহুৱা কৰা হ’ব। কিন্তু নিৰ্বাচনী প্ৰক্ৰিয়াৰ সৈতে সম্পৰ্কিত ইলেক্ট্ৰনিক নথিপত্ৰ উপলব্ধ নহ’ব।