ন্যায়াধীশসকলে (Judges) ফেচবুক ব্যৱহাৰ কৰা (Using Facebook) উচিত নহয় (Shouldn’t be)। উচ্চতম ন্যায়ালয়ে (Suprem Court) এটা গোচৰত এইদৰে কয়। কেৱল ফেচবুকেই নহয়, তেওঁলোক কোনো সামাজিক মাধ্যমত থাকিব নালাগে। ন্যায়াধীশসকলৰ জীৱন এগৰাকী সন্ন্যাসীৰ দৰে হ’ব লাগে বুলিও শীৰ্ষ ন্যায়ালয়ে কয়।
উচ্চতম ন্যায়ালয়ে মধ্যপ্ৰদেশ উচ্চ ন্যায়ালয়ৰ দুগৰাকী মহিলা ন্যায়াধীশক বৰ্খাস্ত কৰাৰ গোচৰৰ বিৰুদ্ধে প্ৰত্যাহ্বান জনাই এখন আবেদনৰ শুনানি গ্ৰহণ কৰে। ন্যায়াধীশ অদিতি কুমাৰ শৰ্মা আৰু সৰিতা চৌধুৰীক নিলম্বনৰ উচ্চ ন্যায়ালয়ৰ সিদ্ধান্তৰ বিৰুদ্ধে তেওঁলোকে শীৰ্ষ ন্যায়ালয়ত আপীল কৰে। এই ক্ষেত্ৰত, তেওঁলোকে দুয়োগৰাকী ন্যায়াধীশৰ বিৰুদ্ধে কৰা এটা ফেচবুক পোষ্ট আদালতত উপস্থাপন কৰা হয়। ন্যায়াধীশ বি ভি নাগাৰত্ন আৰু এন কোতিশ্বৰ সিঙৰ বিচাৰপীঠে কয়, “ছ’চিয়েল মিডিয়া হৈছে এক মুকলি স্থান। আপুনি সন্ন্যাসীৰ দৰে জীয়াই থাকিব লাগিব আৰু ঘোঁৰাৰ দৰে কাম কৰিব লাগিব। ন্যায়াধীশসকলে বহু ত্যাগ স্বীকাৰ কৰিব লাগিব। তেওঁলোকে ফেচবুকলৈ যোৱাটো একেবাৰে উচিত নহয়। ’’
লগতে কয়, কোনো ক্ষেত্ৰতে ন্যায়াধীশসকলে সামাজিক মাধ্যমত আদালতৰ মৌখিক পৰ্যবেক্ষণ, তেওঁলোকৰ ব্যক্তিগত মতামত প্ৰকাশ কৰিব নালাগে। কিয়নো তেনে ক্ষেত্ৰত তেওঁলোকৰ নিৰপেক্ষতাক লৈ প্ৰশ্ন উঠিব পাৰে। যিটো গোচৰৰ ৰায় এতিয়ালৈকে ঘোষণা কৰা হোৱা নাই, সাধাৰণ মানুহে সামাজিক মাধ্যমৰ পৰা এই ৰায়টোৰ বিষয়ে ইংগিত পাব পাৰে। বৰ্খাস্ত ন্যায়াধীশসকলৰ হৈ উচ্চতম ন্যায়ালয়ত গোচৰটোৰ বিৰুদ্ধে যুঁজ দি থকা অধিবক্তাজনেও শীৰ্ষ ন্যায়ালয়ৰ পৰ্যবেক্ষণৰ সৈতে সন্মত হয়। তেওঁ কয় যে এজন ন্যায়াধীশে গোচৰটোৰ সৈতে সম্পৰ্কিত একো কথা সামাজিক মাধ্যমত পোষ্ট কৰিব নালাগে। এই বৃত্তিৰ সৈতে জড়িত লোকসকলৰ কিছু সংযম থাকিব লাগে।
উল্লেখ্য যে ২০২৩ চনৰ ১১ নৱেম্বৰত মধ্যপ্ৰদেশ উচ্চ ন্যায়ালয়ে ছয়গৰাকী মহিলা অসামৰিক ন্যায়াধীশক বৰ্খাস্ত কৰে। এই সিদ্ধান্তটো তেওঁলোকৰ কামৰ ওপৰত ভিত্তি কৰি লোৱা হৈছিল। পিছত এই বছৰৰ ১ আগষ্টত উচ্চ ন্যায়ালয়ে তেওঁলোকৰ চাৰিগৰাকীক পদবীলৈ ঘূৰাই অনাৰ সিদ্ধান্ত লয়। দুগৰাকীক কিন্তু ঘূৰাই অনা নহ’ল। তেওঁলোকে উচ্চ ন্যায়ালয়ৰ এই সিদ্ধান্তৰ বিৰুদ্ধে শীৰ্ষ ন্যায়ালয়ৰ দ্বাৰস্থ হয়।
আবেদনকাৰী ন্যায়াধীশ অদিতি শৰ্মাৰ সন্দৰ্ভত উচ্চ ন্যায়ালয়ে কয় যে ২০১৯-২০ বৰ্ষৰ পৰা তেওঁৰ কাম শিথিল হৈ পৰিছে। বিচাৰক হিচাপে তেওঁৰ প্ৰদৰ্শন আশা কৰা অনুসৰি হোৱা নাছিল। গোচৰ নিষ্পত্তিৰ হাৰো হ্ৰাস পায়। তেওঁৰ ২০২১ চনত গৰ্ভপাত হৈছিল। কেইদিনমানৰ পিছতেই তেওঁৰ ভাতৃও কৰ্কট ৰোগত আক্ৰান্ত হয়। এই সকলোবোৰ ব্যক্তিগত সমস্যাই তেওঁৰ কামত প্ৰভাৱ পেলাইছিল বুলি আবেদনকাৰীয়ে কয়। উচ্চতম ন্যায়ালয়ে তেওঁলোকৰ আবেদন বিবেচনা কৰি আছে।
