এজন দলিত যুৱকে (Dalit youth) এখন গাঁৱত ঘোঁৰাত উঠি বিয়া পাতিবলৈ যোৱাৰ (Riding a horse and going to get married) বাবেই বৰযাত্ৰীক হাৰাশাস্তি (Harassment) কৰে উচ্চ বৰ্ণৰ লোকসকলে (Upper caste people)। মাৰপিট কৰাৰো অভিযোগ। এই ঘটনাত কেইবাজনো লোক আহত (Several people were injured) হয়।
সংবাদ মাধ্যমৰ সূত্ৰ অনুসৰি, ঘটনাটো সংঘটিত হৈছে মধ্যপ্ৰদেশৰ দামোহ জিলা (Damoh district of Madhya Pradesh)ত। আত্মীয়ৰ সিদ্ধান্তমৰ্মে দলিত যুৱকজনে ঘোঁৰাত উঠি বিয়া কৰাবলৈ যায়। কিন্তু উচ্চবৰ্ণৰ ওচৰ-চুবুৰীয়াৰ একাংশ যুৱকে ইয়াত আপত্তি কৰে। কিন্তু ঘোঁৰাত উঠি দৰা কইনা ঘৰত উপস্থিত হয় যদিও বিয়াৰ অনুষ্ঠান শেষ হোৱাৰ লগে লগে অঞ্চলটোত উত্তেজনা বিয়পি পৰে।
দৰা-কইনা বিবাহ অনুষ্ঠানৰ পৰা উভতি অহাৰ পথত এদল যুৱকে তেওঁলোকক আক্ৰমণ কৰে। সেই সময়ত দলিত যুৱকৰ একাংশৰ লগতে ঘোঁৰাগাড়ীৰ চালককো তীব্ৰ প্ৰহাৰ কৰে। আনকি নিৰীহ ঘোঁৰাটোৰ ওপৰতো চলে নিৰ্যাতন।
বৰযাত্ৰীয়ে জানিবলৈ দিয়া মতে, এদল যুৱকে ঘোঁৰাগাড়ীখনো ভাঙি লণ্ড-ভণ্ড কৰে। দুজনমানে আকৌ মূৰত বন্দুক লগাই পইচা আৰু গহনা কাঢ়ি পলাই যোৱাৰ অভিযোগ উঠিছে। ইয়াৰ পিছতে বৰযাত্ৰীয়ে থানাত এজাহাৰ দাখিল কৰে। অভিযোগৰ ভিত্তিত আৰক্ষীয়ে তদন্ত আৰম্ভ কৰিছে।
