৫৭ ঘণ্টাৰ প্ৰচেষ্টা বিফল। এটা কুঁৱাত পৰি মৃত্যু হয় এটি পাঁচ বছৰীয়া শিশুৰ। ৰাজস্থানৰ দৌছা জিলাত সংঘটিত হৈছে এই ঘটনা।
কালিখণ্ড গাঁৱৰ পাঁচ বছৰীয়া শিশু আৰ্য খেলপথাৰত খেলি আছিল। সোমবাৰে দিনৰ তিনিমান বজাত খেলি থাকোঁতে হঠাৎ ১৫০ ফুট দ কুঁৱাত পৰে আৰ্য। প্ৰায় এঘণ্টাৰ পিছত উদ্ধাৰ অভিযান আৰম্ভ হয়।
উদ্ধাৰকাৰী দলটোৱে প্ৰথমে ড্ৰিলিং মেচিনৰ সহায়ত কুঁৱাৰ কাষত সমান্তৰালকৈ এটা গাঁত খান্দিবলৈ আৰম্ভ কৰে। শিশুটিৰ অৱস্থান বুজিবলৈ চিচিটিভি কেমেৰাৰ সহায়ত পাইপৰ সহায়ত কুঁৱাৰ ভিতৰত অক্সিজেন যোগান ধৰা হৈছিল।
ৰাষ্ট্ৰীয় দুৰ্যোগ সঁহাৰি বাহিনীৰ এজন সদস্যই কয় যে শিশুটিক কুঁৱাৰ পৰা উদ্ধাৰ কৰিবলৈ একাধিক প্ৰতিবন্ধকতা আছিল। তথাপিও তেওঁলোকে চেষ্টা অব্যাহত ৰাখে। শিশুটিৰ অৱস্থান জানিবলৈ অবিৰতভাৱে চিচিটিভিৰ সাহায্য লোৱা হৈছিল। কিন্তু এটা সময়ত শিশুটো আৰু দেখা পোৱা নগʼল।
শিশুটিৰ ওচৰ পাবলৈ বহু চেষ্টাৰ প্ৰয়োজন হয়। শিশুটিক অচেতন অৱস্থাত উদ্ধাৰ কৰা হয়। ঘটনাস্থলীত উপস্থিত থকা এম্বুলেন্সৰ সহায়ত উদ্ধাৰৰ অন্তত শিশুটো চিকিৎসালয়লৈ লৈ যোৱা হয়। কিন্তু চিকিৎসকে শিশুটিক মৃত ঘোষণা কৰে। ফলত প্ৰায় ৫৭ ঘণ্টাৰ প্ৰচেষ্টা বিফল হয়।
