নিৰ্বাচনী বণ্ডক লৈ পুনৰ সৰৱ হৈছে কংগ্ৰেছ নেতা ৰাহুল গান্ধী (Rahul Gandhi)। এইবাৰ কংগ্ৰেছৰ প্ৰাক্তন সভাপতিগৰাকীৰ অভিযোগ, বিজেপিয়ে উদ্যোগপতি সকলৰ পৰা ভয় দেখুৱাই ধন আদায় কৰিছিল।
ৰাহুল গান্ধীয়ে অভিযোগ কৰে যে বিজেপিয়ে নিৰ্বাচনী বণ্ডক ‘দাদাগিৰিৰ কৌশল’ আৰু ‘ভয় দেখুওৱাৰ কৌশল’ হিচাপে ব্যৱহাৰ কৰিছে বিজেপিয়ে। আনহাতে, প্ৰধানমন্ত্ৰী নৰেন্দ্ৰ মোডীয়ে ৱেনাড় সমষ্টিৰ নিৰ্বাচনী প্ৰচাৰত নিৰ্বাচনী বণ্ডক অস্ত্ৰ হিচাপে ব্যৱহাৰ কৰাৰ অভিযোগ উত্থাপন কৰে তেওঁ। তেওঁ অভিযোগ কৰে যে নিৰ্বাচনী বণ্ডেই হৈছে আটাইতকৈ ডাঙৰ দুৰ্নীতি। কিন্তু প্ৰধানমন্ত্ৰীয়ে সেয়া লুকুৱাবলৈ চেষ্টা কৰিছে।
উল্লেখযোগ্য যে এক সংবাদ সংস্থাক দিয়া সাক্ষাৎকাৰত প্ৰধানমন্ত্ৰীয়ে কৈছিল, “নিৰ্বাচনত ক’লা ধনৰ লেনদেন ৰোধ কৰিবলৈ নিৰ্বাচনী বণ্ড প্ৰৱৰ্তন কৰা হৈছিল। কোনে কাক টকা দিছে সেয়া সন্মুখলৈ আহিছিল। কিন্তু বণ্ড বন্ধ হোৱাৰ বাবে সকলোৱে ক্ষতিগ্ৰস্ত হ’ব লাগিব।”
আনহাতে, কংগ্ৰেছৰ প্ৰাক্তন সভাপতিগৰাকীয়ে অভিযোগ উত্থাপন কৰে যে বিজেপিয়ে উদ্যোগপতি সকলৰ পৰা ভয় দেখুৱাই ধন আদায় কৰিছিল। ৰাহুল গান্ধীয়ে কয় যে কেন্দ্ৰীয় তদন্তকাৰী সংস্থাৰ সহায়ত নিৰ্বাচনী বণ্ডৰ জৰিয়তে ধন সংগ্ৰহ কৰা হৈছিল।
ইডি, চিবিআই, আয়কৰ বিভাগৰ লোকে গৈ প্ৰথমে তদন্ত কৰে। তাৰ পিছত ধন দাবী কৰে। ইফালে প্ৰধানমন্ত্ৰীৰ সাক্ষাৎকাৰটোৰ কথা উল্লেখ কৰি ৰাহুল গান্ধীয়ে কয় যে প্ৰধানমন্ত্ৰীয়ে বিশ্বৰ সৰ্ববৃহৎ দুৰ্নীতি লুকুৱাবলৈ চেষ্টা কৰিছে। নিৰ্বাচনী বণ্ডৰ জৰিয়তে ব্যৱসায়ীক ভয় খুৱাই বিজেপিয়ে কোটি কোটি পুঁজি সংগ্ৰহ কৰিলে।”
