ইডিৰ জিম্মাত আছে দিল্লীৰ মুখ্যমন্ত্ৰী অৰবিন্দ কেজৰিৱাল (Arvind Kejriwal)। আনহাতে, আপে দাবী কৰিছে যে তদন্তকাৰী সংস্থাটোৰ জিম্মাত থকাৰ সময়ত তেওঁৰ শাৰীৰিক অৱস্থাৰ অৱনতি ঘটিছে। জানিব পৰা মতে, তেওঁ মধুমেহ ৰোগত আক্ৰান্ত।
তেজত শৰ্কৰাৰ মাত্ৰা উঠা-নমা কৰি আছে। দিল্লীৰ শাসকীয় দলটোৱে দাবী কৰিছে যে এসময়ত তেওঁৰ তেজত শৰ্কৰাৰ মাত্ৰা ইমানেই কম হৈছিল যে চিকিৎসকৰ মতে সেয়া বিপদজনক আছিল।
ইয়াৰ পূৰ্বে কেজৰিৱালৰ পত্নী সুনীতায়ো তেওঁৰ ব্লাড চুগাৰৰ মাত্ৰা উঠা-নমা কৰাৰ বিষয়ে অৱগত কৰে। লগতে কেজৰিৱালৰ আৰোগ্যৰ বাবে সকলোকে প্ৰাৰ্থনা কৰিবলৈ অনুৰোধ জনায়। সুনীতা কেজৰিৱালে কয় যে আবকাৰী দুৰ্নীতি সন্দৰ্ভত ২৮ মাৰ্চত দিল্লীৰ মুখ্যমন্ত্ৰীয়ে আদালতত সকলো তথ্য দিব।
